Tag Archives: taal

Kuiltjie

Sit die mens langs die stroom, die aroma van die boombas, die lag van jong kinders, sag, sit die mens en nabetrag, keuses wat wag voor oë wat jag, wat die onseker skag van die lewe wil verpas.

Sal die helder water die mens se voete was, skoon van ‘n dwaal deur donker as, sal die kinders se baljaar die mens nie steur maar die mens aanspoor om weer te probeer.

Vang die mens ‘n vlinder in die hand en staar die insek, dink verlies dink smart, maar laat gaan die ding, staan op en loop, sien, die vlinder was in groter nood.

Die stroom vloei voort, voetstoot en bloot, maar die mens is al ver, verlang nie na die stroom se moederskoot.

Tagged , , , , , ,